CiberAyala consello — Abril 25/26

Tema: Non compartas datos persoais coa IA

Cada vez máis persoas usan ferramentas de intelixencia artificial para facer preguntas, estudar ou crear contidos. Pero hai algo moi importante que lembrar: todo o que escribimos nunha IA pode deixar de ser só noso 🤖.

Moitas destas ferramentas gardan ou analizan a información que introducimos para mellorar o seu funcionamento. Por iso é fundamental protexer os nosos datos persoais.

🔐 Que non deberiamos compartir cunha IA?

🔹 O teu nome completo, teléfono ou dirección.
🔹 Contrasinais ou datos de contas.
🔹 Fotos privadas ou imaxes doutras persoas sen permiso.
🔹 Documentos do colexio ou información persoal doutras persoas.

Antes de escribir algo nunha ferramenta de IA, pregúntate:
💭 Compartiría isto con calquera persoa en internet?

👨‍👩‍👧 En familia: falar sobre a privacidade dixital axuda aos adolescentes a entender que a tecnoloxía pode ser útil, pero tamén require responsabilidade.

Este consello forma parte dunha campaña de sensibilización sobre o uso responsable da intelixencia artificial promovida polo Instituto Nacional de Ciberseguridade (INCIBE) a través do programa Internet Segura for Kids (IS4K).