AXUDAS FONDO LIBROS E MATERIAL ESCOLAR CURSO 26/27

Esta orde ten por obxecto regular, no ámbito dos centros docentes da Comunidade Autónoma de Galicia sostidos con fondos públicos e para o curso 2026/27:

O procedemento ED330B: Participación no fondo solidario de libros de texto e axudas para adquirir libros de texto e material escolar, que comprende:

A participación no fondo solidario de libros de texto do alumnado matriculado en 3º, 4º, 5º e 6º de educación primaria (en diante, EP) e en 1º, 2º, 3º e 4º de educación secundaria obrigatoria (en diante, ESO). Nestes cursos manteranse os libros de texto do curso 2025/26.
Á convocatoria de axudas para adquirir libros de texto destinadas ao alumnado matriculado en 1º e 2º de EP e en educación especial (en diante, EE), así como as axudas que pode recibir o alumnado incluído no artigo 2.2.b) desta orde.
Á convocatoria de axudas para adquirir material escolar destinadas ao alumnado matriculado en EP, ESO e EE.

Normativa

ORDE do 29 de abril de 2026 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2026/27 (códigos de procedemento ED330B, ED330G e ED330H).

Prazo de presentación

Dende o 19/05/2026 e rematará o día 19 de xuño de 2026.

O alumnado que se incorpore ao centro docente fóra deste prazo disporá dun mes contado a partir do día seguinte ao da formalización da matrícula. Non se poderán presentar solicitudes despois do 31 de marzo de 2027.

PRESENTACIÓN

Electrónica: Utilice a aplicación fondolibros mediante o formulario normalizado ED330B- anexos I e II disponible na aplicación informática (https://www.edu.xunta.gal/fondolibros/) a través da sede electrónica da Xunta de Galicia, https://sede.xunta.gal

Presencial con asistencia da aplicación: cubra os datos na aplicación fondolibros, imprima os Anexos I e II producidos e presenteos no centro educativo.

Presencial manual: utilice os Anexo I e Anexo II da Orde da convocatoria e presenteos no centro educativo.