Formación do profesorado de Polos Creativos 24/25

docentes de Polos Creativos seguen formándose para innovar na aula!

O sábado 15 de febreiro, participaron no IV Día GeoGebra Galicia 2025, celebrado no IES As Lagoas de Ourense, onde tiveron ocasión de asistir a ponencias e obradoiros tan inspiradores como os de Bernat Ancochea Millet, Débora Pereiro, Luciana Brito, Sofía Cendán, entre moitas outras persoas expertas.

Este sábado 22 de marzo, desprazaranse ao Palacio de Congresos de Galicia en Santiago de Compostela para asistir á xornada «Intelixencia Artificial e Educación: retos e oportunidades», organizada polo CAFI. Alí escoitarán a referentes coma Nerea Luis Mingueza, César Poyatos, Sandra Sambade, Lorena Fernández ou Ibán de la Horra, entre outros.

Ademais estamos moi orgullosos de que a nosa actividade de IA «Safari no cole» foi unha das 10 elixidas como exemplos de emprego de IA na educación sendo exposta nos tótems da conferencia.

Estas accións de formación continua do profesorado tradúcense nunha mellora directa na calidade do ensino que recibe o noso alumnado. Apostamos por unha educación viva, conectada coa realidade e en constante evolución.