Día de Rosalía de Castro 24/25

Hoxe celebramos o Día de Rosalía de Castro! ??

No Colexio Ayala conmemoramos esta data tan especial lembrando a unha das figuras máis importantes da nosa cultura: Rosalía de Castro, pioneira na defensa da identidade galega e da xustiza social. A súa poesía e prosa deron voz ao pobo, denunciando as inxustizas e reivindicando o valor da nosa lingua e tradicións.

Para festexalo, en todos os niveis estamos a traballar con Rosalía Mariquiña, o noso recurso educativo creado en colaboración con Leandro Lamas. ?✨ Unha maneira divertida e didáctica de achegar ao alumnado á súa figura a través do xogo, a arte e a interacción.

? Desde os máis pequenos ata secundaria, coñecemos a Rosalía como autora e como símbolo da nosa identidade, explorando o seu legado con recortables, xogos dixitais e dinámicas creativas.

? Queres sumarte á celebración? Rosalía Mariquiña está dispoñible de forma totalmente gratuíta para que todos os centros educativos poidan usalo. ? Anímate a descubrilo e dálle vida á nosa literatura!

? Que é Rosalía Mariquiña?

É un proxecto didáctico no que o alumnado de Infantil, Primaria e Secundaria pode aprender sobre Rosalía de Castro e a vestimenta tradicional galega a través de diversas actividades manipulativas e/ou dixitais:

? Infantil e 1º ciclo de Primaria:
? Xogo libre dixital para vestir a Rosalía Mariquiña.
✍️ Actividade de escritura co nome das prendas.
? Xogo de sumar e restar prendas de roupa.

? 2º e 3º ciclo de Primaria:
✂️ Recortable tradicional para vestir a Rosalía.
? Actividade sobre a vestimenta e tradicións galegas.
✏️ Personalización das prendas con descricións e debuxos.

? Secundaria:
? Análise da evolución da vestimenta galega e o legado de Rosalía.
? Creación de recortables dixitais e deseño gráfico.
?️ Fabricación de figuras en madeira con cortadora láser.


Agradecemos a colaboración de Leandro Lamas, e animámosvos a usar este material para acercar a Rosalía ás aulas dun xeito creativo e participativo.

? Comparte connosco como usades Rosalía Mariquiña nas vosas aulas! #rosaliamariquiña

Instrucións

Infantil e 1º Ciclo de Primaria ??

1️⃣ Xogo libre – «Mariquiñas» dixitais:

• O alumnado pode interactuar coa versión dixital de Rosalía Mariquiña arrastrando as prendas para vestila ao seu gusto.
• Na primeira diapositiva, os nomes das prendas son audibles ao tocarmos, facilitando a aprendizaxe oral e visual.

2️⃣ Escribimos os nomes das prendas:

• Hai 10 diapositivas onde o alumnado pode activar o lápis na esquina superior dereita para repasar ou escribir os nomes das prendas sobre a pauta escrita.

3️⃣ Conta, pon e quita:

• A roupa está toda revolta! O alumnado pode lanzar o dado e vestir ou desvestir a Rosalía co número de prendas que saia.
• Poden responder preguntas como «Cantas prendas faltan?», traballando de forma manipulativa os conceptos de suma e resta.

2º e 3º Ciclo de Primaria ?✂️

1️⃣ Recortable tradicional:

• Descarga e imprime o material para facer unha versión de Rosalía Mariquiña en papel.
• Recorta coidadosamente a Rosalía e as prendas, deixando pestanas para poder vestila.
• Se o prefires, pega o papel nun cartón fino para maior durabilidade.

2️⃣ Actividade cultural:

• Traballa as tradicións galegas a través da vestimenta tradicional.
• Afonda na vida e obra de Rosalía de Castro para comprender a súa importancia cultural e literaria.

3️⃣ Engade aprendizaxe no reverso:

• No reverso das prendas, escribe:
  • O nome da prenda para reforzar o vocabulario.
  • Unha pequena descrición (exemplo: “Levábase nas festas”).
  • Un debuxo para personalizar cada peza.

Secundaria ??

1️⃣ Reflexión sobre tradicións:

• Analiza o significado cultural das prendas tradicionais galegas e a súa evolución ao longo do tempo.
• Afonda na figura de Rosalía de Castro como símbolo da identidade galega.

2️⃣ Recortable dixital e personalización:

• Usa os arquivos descargables dispoñibles na web para replicar o xogo en ferramentas dixitais (edición de imaxes, creación de presentacións interactivas, etc.).
• Crea dinámicas onde o alumnado recree o xogo dixitalmente, aprendendo habilidades de deseño dixital.

3️⃣ Fabricación con cortadora láser

• Descarga os arquivos de contorno.
• Corta as pezas nunha cortadora láser, empregando madeira de balsa ou fieltro.
• Imprime a versión a cor das prendas e pégallas ás pezas de madeira con Mod Podge ou similar.
• Crea unha Rosalía tridimensional única, ideal para traballo manipulativo noustros niveis

Recortable para imprimir

Recursos descargables

Créditos

• Ilustración: Leandro Lamas.
• Deseño e modelaxe: Nerevere.
• Idea orixinal, edición e fotografías: Mercedes Orbaneja.
• Música e narración: Xeradas con intelixencia artificial usando Suno e TTSMaker.

? Este recurso é completamente gratuíto e está baixo licenza Creative Commons. É obrigatorio divertirse e gozar mentres se aprende! ?

Rosalía Mariquiña © 2025 by Orbaneja, M.; Lamas, L.; is licensed under CC BY-NC-SA 4.0